你有興趣投身 Marketing 行列? 你到底講唔講得出 Marketing 究竟做D 乜?
話說筆者剛投身 Marketing 行業之時，曾經俾我外婆考起。佢老人家有一次食飯既時候問起：“孫仔你依家返乜野工呀?” 我答佢話：“...Mar (醒起阿婆唔識英文)..市場推廣” (怪譯，事後諗返可能答佢經理仲乾手淨腳)。跟住阿婆問： “咁即係做乜野架?” 我就答佢話： “...er... 做下廣告宣傳，賣下野咁。” 阿婆安慰我咁話： “天候咁熱一定好辛苦…。” 好明顯，阿婆誤會左我係企街個D Sales…(汗)
不過就算係係行內人，如果你問佢到底 Marketing 係做D乜既，可能得出既答案會好唔同，有人會答你： “拍下廣告 搞下promotion” ；有D會話： “做下 PR event，設計下 counter”; 仲有一批會講： “搞下講座展覽，見下客。” 得意既係佢地全部無錯。
根據AMA (American Marketing Association)既官方定義: “Marketing is the activity, set of institutions, and processes for creating, communicating, delivering, and exchanging offerings that have value for customers, clients, partners, and society at large.” 其實所有企業，不論有形無形，商品或服務，某程度上都係賣緊野，亦既定義中所謂既"offerings"。所以其實各行各業都需要 marketing，將公司既 “offerings” 用最有效，最適切既手法推銷俾針對既客戶群
所以，做FMCG (Fast Moving Consumer Goods，即洗頭水，牙膏牙刷) marketing 既朋友仔，目標客源好mass，又多數 price-driven，所以通常都會話佢地工作係拍電視廣告，做promotion。 做名牌鐘錶 marketing 既兄弟，D客有錢，鐘意出風頭，講排場仲要講究 shopping experience，日常工作自然係做下 PR event，設計下 display counter。而做出版社Marketing 既姊妹，對象有B2B客 (書店) ，學校同街客，最常用就係搞下講座展覽，去書店或者學校做presentation。
正正因為每一行 Marketing 既工作不盡相同，入行前一定要搞清楚同自已既想象近唔近磅。其實無話邊樣好D，只有邊樣適合自已多D。襯後生試多幾樣亦不失為好事！
